Ich habe festgestellt, dass es vielen Lesern unklar ist, was ich hier arbeite. Deshalb versuche ich dies ein wenig zu erleutern:
Die Flat 1 im Orchard Manor besteht aus 2 Teams. Da man an 7 von 14 Tagen arbeitet, ist immer das eine oder das andere Team am Werk. Es gibt zwei Schichten:
A: 8am - 9pm
B: 9am - 10pm
Morgens geht es als erstes darum, alle Bewohner aufzunehmen und zu frühstücken. Anschliessend gibt es sogenannte "Sessions". Während diesen geht es darum die Bewohner zu fördern und Aktivitäten (Kochen, Putzen, Musik machen, etc.) auszuüben. Das selbe findet auch am Nachmittag statt.
Am Wochenende gibt es immer ein spezielles Programm. Vom Einkaufen, über auswärts essen bis hin zu Kino gibt es alles - und wahrscheinlich noch viel mehr.
Als Support Worker bin ich jeweils morgens und nachmittags für einen anderen Bewohner zuständig, welchen ich betreue und bei seinen Aktivitäten begleite. Allerdings ist das Team sehr flexibel und jeder hilft jedem.
Zu unseren 10 Bewohnern der Flat: Sie sind alle sehr stark eingeschränkt (körperlich wie auch geistig). Einige können besser kommunizieren (mit Sprachswitchen, Symbolen oder der Sprache) andere gar nicht. Aber sie sind alle sehr liebenswürdig und mir bereits ans Herz gewachsen!
Zusätzlich habe ich jeden zweiten Dienstag ein "Training". Das bedeuted theoretischen oder praktischen Unterricht auf einem bestimmten Gebiet. Im ersten Training habe ich gelernt, wie ich einen Hoist (Lift) korrekt verwende und Bewohner damit transferiere. Im zweiten Training haben wir "Gastrostomy Tubes" behandelt. Das heisst, wir haben gelernt, wie ein Bewohner mit Magensonde richtig ernährt wird. Mittlerweile darf ich dies auch selber machen (Essen und Getränke "spritzen").
Ich hoffe ihr wisst nun mehr über meine tägliche Arbeit ;-) ich mag sie von Tag zu Tag besser, da ich je länger - je selbständiger werde!
Bis zum nächsten Mal!
PS: IHR DÜRFT AUCH KOMMENTARE HINTERLASSEN!
Abonnieren
Kommentare zum Post (Atom)
13 Kommentare:
Hei Meli :-)
fägt vo dir z läsä! =) chumä nid ganz druus: "Da man an 7 von 14 Tagen arbeitet" heisst ds du arbeitisch 7 täg und hesch när 7 frei? oder wird ds eher gmixed? :-) was machsch ir freiziit? ds fitness abi vou am ufbruchä? :-D
liebe gruäss daniel
Hi Melanie,
Au ich finds immer wieder spannend
vor dir zläse. Hoffe, dass jetz chli meh feed back überchunsch und das witerhin dä Plausch häsch. Mach witer so. Lg Mother
ja genau, das heisst dass ig 7 Tag schaffe und 7 Tag frei ha. Allerdings chlei dürmixt:
Mo: Schaffe
Di: Schaffe
Mi:
Do:
Fr: Schaffe
Sa: Schaffe
So: Schaffe
Mo:
Di: Schaffe
Mi:
Do: Schaffe
Fr:
Sa:
So:
Das isch mi Arbeitsplan, wo sich all 2 Wuche wiederholt.
Allerdings schaffi halt 13h im Tag ;) de gits ou gnueg Stunde! :)
Liebs Grüessli
viele dank für dä nachtrag!
13h si hert! =) findi super ds du ds machsch!
und fröiit mi das alles so guät klappet!
Hi Inspektor Maloney! :-)
Nach ca. 3 Monet Sommer, Palmen Sonnenschein, mit äre krönende Abschlusswuche in Gran Canaria, het ou bi mir wider dr trischt Alltag igsetzt und ig darf/muess wider id Schuel...
Anhand vo dim letschte Blogitrag, erkenni gwüssi Parallele vo üsne Arbeite:
- Ig schaffe ou 13h... Aber pro WUche, nid pro Tag!
- Ir Schuel hani ou vorwiegend mit Lüt ztüe, wo "sehr stark eingeschränkt" si. Jedoch vorwiegend geischtig und as Härz si si mir ou nid würk gwachse.
- Für die wo nid guet chöi kommuniziere, heimer ä Fachusdruck bi üs ar Schuel: Mir nenne sä "Wäuschi".
Auso, ig wünsche dir none schöni Zit und bis gly mau!
Gruess Sebulaki
PS: Falls irgendwo bi öich im Sekretariat ä Charte mit komische Hieroglyphen uftoucht isch, de wär si vo mir
PPS: Scheiss Schaft het herter zum verschiebe aus dänkt...
Hei Leute
Wo bleiben eure Kommentare? Bin sicher, dass viele diese Blogs spannend verfolgen. Also lasst Melanie wissen, wie ihr sie findet und motiviert sie, damit wir noch viel über ihren Aufenthalt erfahren!
hey meli =)
das tönt ja echt super ;)
iz chöimer scho fasch usrechne wenn dasmerdi am beschte chöme cho bsueche... :D
Gruess
Michu
Stimmt ;-) ig ha jo gnueg Zyt für Bsuech..
Usserdem besteit ou d Möglichkeit hiä z "wohne". Mr cha für 5 Pounds (10 Franke) äs eigets Zimmer ha oder gratis bi mir übernachte.. auerdings hani ke zwöiti Matratze ;-)
Würd mi freue!
Hei Meli
Das tönt ja würklech henne interessant. Fröit mi hesch di dert igläbt und dass es dr gfaut!
Finges vorauem henne cool duesch du dä Blog füere und cha mä aues mitvrfouge wo du machsch. De weissi so wies dr geit ;)
müntschis Jasi
Hi Melanie
Isch cool dini Iträg zläse :-) super interessant.
Jetz chame sich ou vorstelle wi di Tag so ablouft we du schaffisch. Isch aber rächt hert di 13 Std. u das zum Teil 3 Tag nachenander.
Dass dir so äs guets Team sit und enander hälfet isch schön.
Mir si scho bald i de Startlöcher für i'd Ferie. Mir flüge am Samschtig ab nach Hurghada. Ig fröie mi sehr no chli go z'bade u sünnele. I go ä chli mit gmischte Gfüehl da es am Mogli nid so guet geit. I hoffe jetz das aues guet geit.
Liebi Grüessli z'Gotti & dr Chläusu
hey meli
fingi super wi du di engagiersch!
Chume di gärn mau cho bsueche. Tönt ja aus wär dr längwilig a dine freie täg ;)))
lg phil
Hei Phil ;-) längwilig isch mr eigentläch gar nid. Aber weisch, Lüt wo chöi choche si immer gärn wiukomme! :-)
___
Liebs Gotti & Chläusu
De wünschi euch schöni Ferie und hoffe dases am Mogli gli besser geit!
Grüessli
Melanie
i cha zwar choche (wage i mau z bhoupte), aber i weiss nid ob das öpis wird^^. anyway, evtl. chume i no uf london irgendwenn zwüsche zwöiter und dritter novämberwuche. i gibe de no bscheid wenn gnau weni das säuber weiss. im momänt ischs meh ir planig. aber äbä, faus i effektiv dr wäg nach london finge, luege i sicher das mir üs übere wäg loufe ;) und wes de nid angers geit, mache i de haut ä röschti a la greg ;)
Kommentar veröffentlichen