Und sagt mir jetzt nicht, dass ich müde aussehe... schliesslich war ich meh als 30h auf den Beinen!Gute Nacht dann :-)
Melanie
Donnerstag, 16. Oktober 2008
Side fringe again
Nach meiner Nachtschicht (von 9pm bis 9am) bin ich gemeinsam mit Sandra direkt nach Cambridge gefahren, um eine Jacke zu kaufen. Auf dem Weg ins Stadtzentrum haben wir uns dann entschieden, zuerst beim Coiffeur vorbei zu schauen. Das Ergebnis (wieder Fransen):
Und sagt mir jetzt nicht, dass ich müde aussehe... schliesslich war ich meh als 30h auf den Beinen!
Gute Nacht dann :-)
Melanie
Und sagt mir jetzt nicht, dass ich müde aussehe... schliesslich war ich meh als 30h auf den Beinen!Gute Nacht dann :-)
Melanie
Abonnieren
Kommentare zum Post (Atom)
10 Kommentare:
Hi Meli,
gsehsch zwar ganz anders us, villicht liegts au ar Nachtwach,
aber dini neui Frisur chunnt dir sehr guet. Ich frage mi nume, woran dass es echt liegt, dass überhaupt keini Kommentare meh abgä werded. Schad eigentli!
Machs guet und bis bald!
Hi Meli
Ich bis no einisch. Ha dä falsch Chnopf drückt und scho bini anonym.
Gruess mother
Hello Mother, ja i finges o chli schad dass mini Kollege kener Kommentär hingerlöh.. vorauem diä wo säch aus gueti Fründä oder sogar FRÜND bezeichne.. si haut aues fuuuuli Säck! Jänu, ig ha ja itz britischi Kollege ;) und es längt doch, we du immerhin chlei News hesch vo mir - oder? Freue mi uf eue Bsuech!
ja, am gsichtsusdruck muesch no schaffe *duck* :P aber d frisur passt, ou ohni 3 wetter taft ;)
Hey Melanie...
Filech masch di no a mi erinnere; Fäbu vor BMS1..(schwarzä Mantu, längi Haar, ir Schueu geng Brüuä, nach eim Jahr us dr bms keiht)!?
Tönt, aus hesch's guet dert!
hehe, ha zimlech müesse schmunzlä, woni ha gläsä, das de d'bsm u d'gibb nid vermissisch! das gloub dr o soffort... ha drum jtz, nach 4 Jahr Lehr ir gibb, nomau ä bms versuech (natürlech o wider ir gibb) gschtartet... ig wirdes o gar nid vermissä, weni's de im summer 2009 ändlech dürä ha!
Gniesses! Grues Fäbu
p.s. gäu, du hesch sicher o mit em U.Tschopp IdPA kah!? ha drum ä Arbeit gseh gloub über Verchehrsfreiä Banhofplatz, oder so wo sicher vo dir isch gsi!? das blödä IdPA zügs blüht mir jtz oh :-S
hei fäbu, klaaar mahni mi ah di erinnere ;) mi Golf Partner :D
ja genau.. das isch üsi IdPA gsi.. und was het dr Tschopp drzue gseit? muaha :) bsunders glücklech isch er nämlech gloub nid gsi mitm Ergäbnis.. er heigi sich meh erhofft odr so ^^ was isch de öies Thema?
De wünschi dir ämu no ganz vieu Erfoug i däm Jahr bir BM! Wird scho schief gah :-) (ohni ä gwüsse Herr Dr. M. sötts zwar guet cho hihi).. Meli
hehe, ja stimmt, di löcher si äuä geng no, uf dr aumänd... :P
nö, är het nüt zure Arbeit spezifisch gseit... öii Arbeit het ämu im Verglich zu angernä sehr guet usgseh!
Mir machä ä "BAR-O-METER" (Barfüehrer mit dä 20 beliäbtischtä Bars vo Bärn) :D
Dr Tschopp het zwar gmeint das chönnt ä Schnaps-Idee si.. aber mir si optimistisch!
Jojo, wird scho schief ga... :P ämu bis jtz geits nid schlächt... bi bis jtz nur im Franz ungnüegend (3.6 :-S) aber di nötä bringi öpä scho wider übernes 4i... schüsch louft eigentlech nid schlächt!
hehe, ha wider d'Ch. Ruder im Franz u dr Thalmann im Physik und aus Klassälehrer... :) uuuuuh ja, und im Math Gott sei dank ke gwüsse Hr. Dr. M meh!!! aber derfür isch z'Lehrmittu wo mr hei vo ihm :( aber bis jtz bini ja gottlob ufemene 4.75 im Schnitt, im Math :)
ooooh ä Bar-O-Meter :-) so öppis hani ou gäng wöue mache.. weli 20 Bars chöme so dri? i finge das im fau ganz ä cooli Idee ;)
D Frou Rueder hani natürlech immer mega cool gfunde, u dr Thalmann eigentläch o.. bisch wieder mit Informatiker ir Klass, oder nur mit Elo's? fausi dr irgendwo cha witrhäufe eifach sääge.. isch nur dumm, hani au mini Arbeite ir Schwiz glah.. ;)
jo, weli Bars wüsse mr no nid... machä zersch no ä Umfrag. Aber es wärde öpä so Auts Tramdepo, Junkere, Fassbar,...si
Ne, d'Klass isch zimlech gmischt... öpä 6 Elektroniker, 5 Hoch- oder Tiefbouzeichner, 1 Outomatiker, 1 Informatiker, 1 Optikerin und no ig + 1 Elektromonteur. u schinbar no 2 woni ha vergässä.... :P
hehe, ja, wirde mr's merkä, aber äbä, bis jtz isch no aues im grüene Berich! aber merci
Kommentar veröffentlichen